The Dale

2003-06-14T18:13:00.000Z

Smella og hlusta - sent um BlogPhone Hex

2003-06-10T11:11:00.000Z

BlogPhone entry powered by Hex BlogPhone

2002-10-28T10:24:00.000Z

hmmmm....
ég athugaði síðuna hér að neðan....
...og skömm mín er mikil!

2002-10-23T09:28:00.000Z

Which Moral Minority persona are you? by phatjoe

Þetta var sem sagt niðurstaða mín. Gee. Rosebud.

2002-10-15T13:38:00.000Z

Svo vitnað sé í stórmyndina Network: I'm mad as Hell, and I ain't gonna take it anymore.

Það verður að gera eitthvað í kursornum hans Denna.

Hér eru 10 uppástungur:

10. Setja upp Spamþjón sem sendir honum einn tölvupóst á sekúndu og lætur hann vita hvað klukkan er.
9. Hver sem hittir Denna hleypur í hringi í kringum hann og segir honum hvað klukkan slær.
8. Fá mannanafnanefnd til að viðurkenna nafnið Snævarr á sama fundi og þeir hafna erindi hans enn einu sinni.
7. Flytja hann nauðungarflutningum austur fyrir Elliðaár... nei... úbbs...
6. Sama og 10, nema í SMS.
5. Slá hann leiftursnöggt í hausinn... oft... var hann ekki í versló hvort eð er?
4. Skrá hann í alla áhugamannahópa um end of time sem við finnum, eins og þennan.
3. Símtalsflytja fröken klukku í gemsann hans.
2. Festa dónahreyfimyndirnar frá Íslandssíma í símanum hans.
1. Skrá hann hjá Texxxme

2002-10-04T11:34:00.000Z

Sá að Denni er að flagga hetjunni Stefáni Karli eineltisbaráttumanni. Þó að það sé virðingarvert að berjast gegn einelti, hvað þá að leggjast í eins manns herferð, verð ég þó að segja að ráðin við einelti sem Stefán Karl predíkar hugnast mér ekki alfarið.

Hann segir nefnilega að það verði bara ósköp einfaldlega að sjá til þess að krakkarnir skeri sig ekki úr á nokkurn hátt. Ekki með klæðaburði, þroska, frammistöðu í skóla, lífsskoðunum osfrv. Með öðrum orðum þá er skuldinni skelt á þolandann og honum gert að breyta sér til að falla inn í fjöldann og þá hætti eineltið. Bara sorrý, ég kaupi þetta ekki. Í fyrsta lagi þá tel ég það valda meiri skaða ef við ölum það upp í krökkum að það sé vont og þurfi að fela að vera á einhverri annarri skoðun en hinir. Nóg er nú um íhaldsstefnu fyrir. Í annan stað þá tel ég ekki rétt að kenna þolendum um nokkurn skapaðan hlut, svona almennt séð, þegar aðrir ganga út yfir velsæmismörk.

Þannig að þrátt fyrir góðan vilja Stefáns Karls, þá tel ég þessa baráttu vera vanhugsaða.

2002-09-11T20:39:00.000Z

Orð dagsins er:

Flap·doo·dle
Pronunciation: 'flap-"dü-d&l
Function: noun
Etymology: origin unknown
Date: 1878
: NONSENSE

2002-09-11T10:35:00.000Z

Kominn heim af fjalli - og svona til að svara spurningunni: Já, við náðum öllu því sem við ætluðum okkur => 3rúdolfsmömmur og 3minirúdolfar. Það verður s.s. e-ð minna um jólasveina þetta árið. Framundan er aðgerð og fínskurður á e-ð um 60+ kg, (þetta er alveg óskaplegt magn, en fallegt :) svo maður er farinn að reikna jólaskammtastærðir fjölskyldunnar í huganum...
Það er óskandi að fiskabanarnir í Dölunum, félagar mínir úr Veiðimannafélaginu Veiðimannafélagi, hafi verið jafn fengsælir...

2002-09-09T18:45:00.000Z

Hey you, out there in the cold
Getting lonely, getting old
Can you feel me?
Hey you, standing in the aisles
With itchy feet and fading smiles
Can you feel me?
Hey you, dont help them to bury the light
Don't give in without a fight.

Hey you, out there on your own
Sitting naked by the phone
Would you touch me?
Hey you, with you ear against the wall
Waiting for someone to call out
Would you touch me?
Hey you, would you help me to carry the stone?
Open your heart, I'm coming home.

But it was only fantasy.
The wall was too high,
As you can see.
No matter how he tried,
He could not break free.
And the worms ate into his brain.

Hey you, standing in the road
always doing what you're told,
Can you help me?
Hey you, out there beyond the wall,
Breaking bottles in the hall,
Can you help me?
Hey you, don't tell me there's no hope at all
Together we stand, divided we fall.

Æi ég veit ekki af hverju mig langaði til að hlusta á þetta.

2002-09-05T16:15:00.000Z

Ég á líka J1! Ég á líka J1!! Ég á líka J1!!!

Á laugardaginn sting ég síðan af á vit ævintýranna hjá MIT. Fyrir þau ykkar sem langar að fylgjast með ævintýrum sveitastelpunnar í stórborginni þá langar mig að bjóða ykkur á nýjan blogg: MD@MIT þar sem ég ætla að láta allt vaða í vetur.

2002-09-02T17:16:00.000Z

Fyrir ykkur sem bíðið í ofvæni eftir framhaldinu af vegabréfssögunni þá verður vonandi ljóst á miðvikudag/fimmtudag hvernig fer. Þangað til eru þessi tíðindi helst: IAP66 formið sem við elskum öll heitir ekki lengur IAP66 heldur DS-2019, ég endurtek DS-2019. Það er líka hughreystandi fyrir ykkur sem hyggið á dvöl erlendis að vita að hjá Tryggingastofnun má nálgast formið E-111.

2002-08-29T14:22:00.000Z

Og óskandi að sumum farnist betur en Kerry, þegar haldið verður vestur um haf.

2002-08-28T22:04:00.000Z

Ég á IAP66! Ég á IAP66!! Ég á IAP66!!!

2002-08-27T09:41:00.000Z

Það gleður okkur ósegjanlega hvernig við erum öll tengd, a.m.k. í hugum félaga okkar, þeim fyrirtækjum/stofnunum sem við vinnum hjá/við/nálægt/kannski. Sumir eru náttúrulega meira áfram um þess konar tengingar og gera í því að spyrða saman sjálfa sig og miklar íðilfagrar tregahornsstofnanir, meðan aðrir eru ekki alveg eins mikið í mun að halda svona tengingum á lofti - enda takmarkað sem einn aðili leggur til uppgangs og vaxtar - og illt er að ætla einum manni að takast á við uppþornun mýrlendis á landinu - hvað þá að eigna honum ábyrgð á þeim gösum sem á stundum leika um fúafen og mýrar.
Endurheimt votlendis er hins vegar verðugt verkefni og spennandi, sem flestir ættu að koma að og leggja lið, þó ekki væri nema til þess að æska landsins eigi greiðan aðgang að því fjölbreytta dýra- og fuglalífi sem alla jafna þrífst í votlendisflákum. Ég hef það meira að segja fyrir satt að þar þrífist kýr alveg ágætlega...

2002-08-09T16:58:00.000Z

Efst á fælnislistanum mínum, fyrir ofan kóngulær, vera staddur í lest á hraðferð á vitlausan áfangastað, snáka, og aðra eðlilegri fælni, er skattafælnin mín. Þetta er mjög vel vitað enda fer það ekki framhjá neinum nálægum ef ég þarf að fara í tollhúsið við Tryggvagötu (ég þreytist ekki á samlíkingunni við það og húsið í Ástríki og þrautunum 12 sem gerir fólk brjálað). Ekki misskilja mig, mér er ekkert illa við að borga skatta (þó ég vilji kannski ekki borga meira en er réttlátt). Ég skil alveg þetta með samneysluna og samfélagið og allt það. Fælni mín byggist á því að ef ég tel ekki rétt fram til skatts þá hefur einhver maður leyfi til aðkoma heim til mín og taka lögtaki húsbúnað, íbúð eða jafnvel mig. Og ég hreinlega treysti mér ekki til að gera þetta rétt. Skattalög á Íslandi eru svo flókin að tveir háskólamenntaðir endurskoðendur eru alls ekki sammála um hvernig beri að túlka lög og reglur skattanna. Ég læt virta endurskoðendaskrifstofu telja fram fyrir mig og það hefur m.a.s. komið í ljós að hún er ekki sammála skattmann sjálfum í túlkun. Kosturinn við að láta hana telja fram fyrir mig er þó vissulega sá að ég get bent á hana ef skatturinn gerir athugasemd.

Lengi vel sat LÍN í öðru sæti af þessum fælnilista mínum. Hver kann ekki krassandi sögu af LÍN og blönkum námsmanni?? Hinsvegar hefur öðru sætinu verið stolið af miklu öryggi af miklu skelfilegri stofnun en LÍN - bandaríska innflytjendaeftirlitinuINS. (Heyrðuði músíkina?? Ég lýsi yfir skýringum á því af hverju stofnunin heitir Immigration and Naturalization Service.). Fyrir námsdvöl mína ytra við MIT (*phew* ég var farin að halda að ég myndi ekkert koma MIT að!) verð ég að sækja mér um vegabréfsáritun og ekkert svo sem undarlegt við það. Hinsvegar sýnist mér sem svo að INS hvíli ekki rólegir fyrr en ég hef sent þeim lífssýni til ræktunar um sönnur að ég sé ekki hættuleg. Það er örugglega hægt að lesa það úr genamenginu mínu. Ég er sem sagt stödd í þessu stórkostlega ferli:

1. Form B er sent til Íslands

2. Ég fylli út form B og sendi til MIT

3. MIT fyllir út IAP66 og sendir til INS

4. INS samþykkir IAP66

5. Ég fæ IAP66 sent til Íslands

6. Ég fer með IAP66 í bandaríska sendiráðið og sæki um J1 vegabréfsáritun

7. Ég fæ J1 vegabréfsáritun.

Í heild er talið að þetta ferli geti tekið um 10 vikur. Kennsla hefst eftir 4.

Í dag lauk skrefi 2. Ég sendi út form B. Undanfarna tvo daga hef ég verið að skutlast bæinn þveran og endilegan í leit að pappírum til að senda með formi B, aðallega til að sýna fram á að ég hafi ekki hugsað mér að setjast eins og sníkjudýr á bandarískt þjóðfélag. Og besti vinur minn í öllu þessu reyndist vera LÍN. Eftir daginn í dag er ég mikill aðdáandi LÍN og ég skal aldrei framar segja styggðaryrði um þá vönduðu stofnun! Takk LÍN!

2002-07-25T16:41:00.000Z

Engin sönn Wensleykýr myndi telja það eftir sér að leyfa hinum að standa í hlýjunni og birtunni sem stafar af hennar ljóma. Það er því sjálfsagt að allar kýr og vinir þeirra stafi þeim geislum áfram til þeirra sem á þeim þurfa að halda. Hér eru nokkrar hugmyndir að því hvernig má koma MIT inn í umræðuna þar sem ekki er kannski augljóst að það eigi við:

"MIT skapar meistarann"

"MIT er sagna bestur"

"MIT hjálpar þeim sem hjálpa sér sjálfir"

"Morgunstund gefur MIT í mund"

"Það er nú af sem í MIT var"

"Betra er MIT í hendi en MIT í skógi"

"Gakktu hægt um MIT dyr"

"Betra MIT en aldrei"

"Hafa skal það sem MIT reynist"

Glöggir lesendur sjá að MIT er í raun samheiti fyrir gleðina, viskuna og sannleikann, eða eins og við segjum í MIT, Mirth, Intelligence and Truth.

2002-07-24T13:21:00.000Z

DDDdBC, betur þekktur sem Dennis 'Durran Durran' da Bloggerr Centurrion virðist hafa sérstakt lag á að láta litlu hluti lífsins fara í taugarnar á sér. Núna virðist hann hafa fengið mannlífslýsingu P hér að neðan þversum oní sig og er það miður. Við sem stundum nám við MIT (Dalsbyggðarmenn lifa að sjálfsögðu eftir kjörorðinu einn fyrir alla og allir í MIT) vitum að það að hafa allt á hornum sér, allt frá stafsetningu manns eigineindar (e. Identity) til hárkvoðuumræðna fólks út í bæ, getur ekki verið gott fyrir miltað.

Varð þetta þó uppspretta eftirfarandi samræðna:
P says:
þetta með gelið var líka kannski full þungt högg á pung
The other P says:
nahh
The other P says:
(ég veit nú ekki betur en hann noti það bara að ofan .... veist þú betur?)

Bæði P hafa leitað sér áfallahjálpar eftir visjúalíseringar sem fylgdu orðum þessum.

Þýskaland er leiðinlegt land, fullt af þjóðverjum. Itzehoe er síðan staður sem Gesundheit á að fylgja eftir. Garg. 3 dagar eftir, en þökk sé skattgreiðendum eins og ykkur að ég skuli hafa fengið all expenses paid ferð til Iðntæknistofnunar Itzehoe. Í dag Itzehoe, á morgun... Irkutsk? Hef reyndar komið á flugvöllinn í Irkutsk, það var álíka óintressant, ef ekki hefði verið fyrir þessa næmni manns fyrir lífinu sjálfu sem sprettur upp þegar maður sér hvaða skrapatól Aeroflot ætlar að láta mann fljúga í í það og það skiptið. But I digress.

Vinir Karlozar í Heimssýn fengu nýja vídd í huga mínum þegar ég fékk staðfest að smölun meðlima í félagið skyldi vera framkvæmd af Illuga Gunnarssyni, aðstoðarmanni DO! Hvað áttu góðir og gegnir sjálfstæðismenn að segja þegar IG hringdi? Og hvaðan ætli hann hafi hringt? Hver borgaði símtölin?

Inquiring minds wanna know.

P

2002-07-24T09:50:00.000Z

Það er gott að vera kominn í bæinn aftur - þó agureyris hafi verið fín: Við ákváðum í skyndi að skella okkur norður á fimmtudaginn og vorum í góðu yfirlæti í Langholtinu yfir helgina, þar sem langholtsvatnið rennur í stríðum straumum : )
Skelltum okkur reyndar inn í Vaglaskóg á föstudagskvöldið til að eiga kvöldstund með ættingjum á faraldsfæti. Það er orðið eina ráðið til að hitta á fólk þessa dagana, að skella sér út á land á tjaldstæði og hreinlega sitja fyrir þeim. Minnir mig á það að hugmyndin um sameiginlega útilegu minna nánustu tókst ekki þetta sumarið þar sem Gerður systir var allt í einu komin á Langanes þegar foreldrarnir voru inn í Skælingum, Kristín & Co. í Skaftafelli og Ella í London! Segir allt sem segja þarf um sénsinn á því að ná í skottið á fólki í sumarfríinu.
Minnir mig svo aftur á það að ég er að fara í bústað upp í Brekkuskóg næstu helgi. Það stóð reyndar tæpt og var allt saman frekar undarlegt, en e-n veginn höfðum við öll (Hringbrautarpakkið og Týsgötufrúin) haldið að við ættum bústaðinn þessa viku, en svo þegar við fórum að athuga málið betur á miðvikudaginn síðasta, þá kom í ljós að það var barasta alls ekki rétt. Við tókum netta Pollýönnu á þetta og töldum okkur heppin að bústaðurinn var ekki á okkar nafni í síðustu viku!
Við erum s.s. að fara í bústað á föstudaginn, (reyndar þarf ég að fara aðeins fyrr til að svamlast í mýrinni þann fyrsta, en ég hlýt að lifa það af), og ég er strax farinn að hlakka til að sullast í pottinum, gæða mér á grilluðu hreindýri og öðru gotteríi (dömurnar neita hins vegar að smakka grillaðar rjúpur). Það er nebbilega alveg nauðsynlegt að fara dulítið vel með sig þegar maður fer í bústað, sérstaklega þegar það er viðbúið að það rigni allan tímann. A.m.k. rigndi allan tímann sem ég og frúin fórum saman í bústað í Húsafelli fyrir e-m árum síðan.
Þarf reyndar að hnýta saman nokkra lausa spotta áður en ég get farið með góða samvisku í Brekkuskóg, en það hlýtur að hafast, ekki satt? Einn sá skemmtilegasti er raunar eld-vatnsgerð, en félagi minn er í læri hjá mér í þeirri list – svo maður á von á ljúfum veigum innan skamms. Meira um það síðar.

luv

2002-07-23T13:28:00.000Z

Talandi um þáttaskil. Það er draumur sérhvers narðar að fá að stúdera við MIT og nú í haust mun ég geta látið þennan gamla draum minn rætast! Mér hefur verið boðið að koma gerast 'visiting student' (eða 'visiting scientist' sem ég benti á að hljómaði betur) við Aeronautics and astronautics skorina hjá MIT! Ég kem til með að skrifa mastersverkefnið mitt úti enda allir helstu sérfræðingar í samskiptum manns og tölvu í flugiðnaði á svæðinu. Ekki nóg með það heldur verða aðrir merkilegir 'visiting scientists' þarna á ferð. Stefnt er á að halda seminara um samskipti manns og tölvu og safnað hefur verið saman öllum stærstu nöfnunum á því sviði. Þar á meðal verður goðið mitt Donald Norman en hann skrifaði bókina The Psychology of Everyday Things (eða The Design of Everyday Things - það fannst víst engum nema okkur sálfræðigimpunum þetta pun hans fyndið - sjá The Psychopathology of Everyday Life eftir Sigmund Freud) sem oft er eins og töluð úr mínu hjarta (þ.e. bók Normans en ekki Freuds). Norman m.a.s. segir á einum stað í bókinni "Design teams really need vocal advocates for the people who will ultimately use the interface.". Ég hef verið óþreytandi við að lýsa því yfir undanfarin ár að ég skilgreindi mig sem fulltrúa notenda í hópi hugbúnaðarhönnuða hjá OZ. Vinna er nú á fullu að fjármagna ferðina og ég auglýsi hér með eftir húsnæði á Boston svæðinu ef einhver þarna úti býr svo vel að þekkja þar til! Og ef einhver vill leggja fjármögnuninni lið... ;)

Ég sveiflast því þessa dagana milli hæstu hæða og hins kunnulega kvíða sem grípur mig alltaf þegar ég er að fara að gera eitthvað nýtt (hvort sem það er að taka nýja leið í strætó, flytja eða ferðast til útlanda). Maginn á mér veit ekki hvað hann á að gera við öll þessi fiðrildi. Ég trúi því ekki enn að þetta sé að ganga upp. Meira að segja Hjalli getur komið og verið hjá mér hluta af tímanum því að Maskína er að opna skrifstofu í Boston á morgun!

Ég segi nú ekki margt nema: "Við sem nemum við MIT..." *tíst*

Ég breytti templatinu strákar, sjís! Þetta er meira svona sumarlegt! :)

2002-07-17T10:39:00.000Z

Komið að þáttaskilum, og ekki seinna vænna eftir allt of mikið japl, jaml og fuður. Eftir á að hyggja hafa síðustu vikur verið afar lítið spennnandi tími og maður hefir varla verið til, bara hlunkast svona e-n veginn gegnum þær (fyrir utan uppsöluferðina frægu á Strandir), og gert miklu miklu minna en maður ætlaði sér og gleymt hundrað þúsund hlutum. Og ekki hefur það hjálpað að sólin hefir skinið gríðarlega mikið þennan tíma og eins og þeir vita sem hafa verið nálægt mér í sól, þá er svona hita-thingy algjör óþarfi og ekkert gefandi. En eins og ég segi, þá er breytinga að vænta innan tíðar að því gefnu að mér takist að böðlast í gegnum þau verk sem ég á enn eftir ólokið (mikið er það nú ekki gaman). Ef það tekst í þessari viku, get ég væntanlega slappað vel af í sumarbústaðnum í Brekkuskógi í næstu viku og komið endurnærður í bæinn, til í slaginn :)

En úr því að maður er mættur aftur á þennan vettvang, þá er ekki úr vegi að minnast á aðra bloggara:

Í fyrsta lagi ber að hrósa virkasta virkradagabloggaranum, honum Denna sem nú er farinn að telja dagana í blogg #100. (Óttalegt talnafetish hjá manni sem segist hlaupa í keng og úru þegar hann sér e-ð talnakyns). Hins vegar getur maður ekki annað en velt því fyrir sér hvort greining Kalla sé ekki rétt: Ekkert, og þá meina ég ekkert, virðist svo sakleysislegt/hversdagslegt/almennt að Denni geti ekki kvartað undan því á þessum opinbera vettvangi: Bíóferðir sem hann getur kennt sjálfum sér um, veðrið, gjafalistar, skrúfur (?), aðrir bloggarar sem reyna af miklum móð að halda skemmtun að öðrum netverjum, eldri menn sem vilja halda bílnum sínum hreinum og telja ekki eftir sér að slá upp samræðum við gel-sleikta þriggja-daga-brodda fyrrverandi fréttamenn.

Þá er rétt að minnast á ferðahorn Karls Óskars; Maður hreinlega hefst í hæðir og ferðast á fáki fráum með því að lesa ferðasögurnar hans. Og nálægðin við dýrin!, maður lifandi, það er eins og maður sjái hesta, kindur og ketti skjótast yfir skjáborðið. Hafðu þökk fyrir Karl Óskar.

Bjarka skal bent á að setja miða við lúguna hjá sér og benda launa- og lánlausum útburðum á að halda sig fjarri. Virkar fínt. Hann fær líka hrós fyrir getraunina sína, sem er fín (sama hvað Denni segir): Mér finnst gott að fá reglulega staðfestingu á því að ég veit ekkert um 80's texta. Ég meina, vill maður vita hvaðan "The cloud is moving nearer still/ Aurora borealis comes in you/" kemur? Really?

Sigurgeir fær líka rós í hnappagatið! (það þarf ekkert að segja meira um þennan erki-tupíska bloggara).

luv!

2002-07-05T09:38:00.000Z

Wow look at you now
flowers in the window
it's such a lovely day
and i'm glad you feel the same

Sungu þeir strákarnir í Travis í gær. Mikið rosalega voru þetta skemmtilegir tónleikar. Ekki spillti gleðinni að Leaves hitaði upp. Þeir eru orðnir ógeðslega þéttir. Vá.

En okkur tókst sem sagt að fara í smekkfulla Laugardalshöll og hitta engan sem við þekktum. Sáum Dísfríði reyndar álengdar þar sem hún strunsaði um, en engan annan. Veltum þessu fyrir okkur. Sú tilgáta kom upp að þarna hefðum við verið ásamt stelpunum úr bókhöldunum og vonbiðlum þeirra. Sú tilgáta var byggð á lauslegri skoðun fólksins sem sat í kringum okkur, sér í lagi og sérstaklega stelpunum sem sátu við hliðina á mér með krosslagða fætur og fýlusvip allan tímann.

Við vorum hins vegar óskaplega ánægð með þetta, þótt um óttalegt popp sé náttúrulega að ræða. Voða fínt.

Fórum að ráðum Karlozar og héldum stuttan fund með litla bróður hans á Vegamótum í gær. Til að gera langa sögu stutta náðust samningar milli okkar. Ekki verður hér farið nánar út í efnisatriði samningsins, enda um gagnkvæmt trúnaðarmál að ræða, en KarloZ getur farið að hlakka til. Bwuhahahaha!

Vil ljúka þessu með annari tilvitnun í glasvesku skáldjöfrana::

But if you sing, sing, sing, sing, sing, sing
For the love you bring won't mean a thing
Unless you sing, sing, sing, sing

ú é

2002-06-14T10:13:00.000Z

“Við heimilum ekki að Flugleiðir taki fólk hingað, sem er á þessum tiltekna tíma komið í ákveðnum tilgangi, sem er andstæður því sem hentar íslenskum stjórnvöldum um þessar mundir," (áherslur mínar) sagði Davíð Oddsson í viðtali við Morgunblaðið þann 12. júní og mér rann kalt vatn milli skinns og hörunds. Í allri umræðu um komu Kínaforseta og Falun Gong meðlima til Íslands hafði mér þótt röksemdafærslu stjórnvalda ábótavant. Þau færðu fram rök en sannast sagna þótti mér þau (rökin og stjórnvöld) ekki sannfærandi. Allavega ekki til að réttlæta það að stjórnarskrárbundið tjáningarfrelsi væri takmarkað. Í mínum huga átti eftir að koma fram hin raunverulega ástæða þess að ekki var óskað eftir nærveru Falun Gong liða á Íslandi. Gat verið að upplýsingum um raunverulega hættu af þessu fólki væri haldið frá okkur? Gat verið að upplýsingum um raunverulega hættu af því að styggja Kínaforseta væri haldið frá okkur?

En í þessum ummælum forsætisráðherra small pússlið saman. Stjórnvöldum (les: honum) hentaði ekki að fá Falun Gong hingað. Þá er mín spurning þessi: Hvað skyldi ekki henta stjórnvöldum næst? Eru stjórnarskrárvarin réttindi okkar það illa varin að þau geti vikið þegar stjórnvöldum hentar? Er stjórnarskráin ekki æðsta lagalega vald Íslands? Taka stjórnvöld stöðu ofar því? Hver getur varið okkur, hina almennu borgara fyrir hentistefnu stjórnvalda? Og þess vegna mótmæli ég í dag.

Ég hvet alla til að láta sjá sig á Austurvelli klukkan 15:30 og segja við Davíð: "Svona gera menn ekki."

2002-06-10T16:20:00.000Z

Jæja, þá hef ég verið læknuð af kaupæðinu sem rann á mig í byrjun síðustu viku. Ég tapaði mér svo algerlega í dóta kaupum að ég held að ég hafi næstum tvöfaldað VISA-reikninginn. Og ég hugsaði með mér í morgun að ég myndi fullkomna innkaupin með því að splæsa í skvísudót. Dótaskvísan ég.

Mér til lækningar voru þrautsterkir varnarmenni íslenskra verslana. Litu ekki út fyrir að vera skæðar í fyrstu en náðu mér fullkomlega niður á jörðina. Fyrst kom til sögunnar stúlka sem útskrifaðist líklega um helgina úr förðunarskólanum og sá ástæðu til þess að gefa mér (að því er virtist á vinsamlegu nótunum) hrukkukrem "Svona fyrir 25 ára og eldri. Mjög gott við hrukkum sem eru að byrja að koma......ekki það að þú sért.....". Neinei, einmitt, takk!

Annar varnarmaður var bekkjarsystir þessarrar fyrri í vetur þegar þær kláruðu 10. bekkinn og horfði á mig forviða "Nei, sko, Diesel framleiðir bara ekki stærri buxur. Eða, sko, allavegana erum við ekki með þær....". Heyrðu, það var þá bara ekki fleira. Þakka fyrir mig. Ég er að hugsa um að fara heim og bera á mig hrukkukremið, kannski vinnur það á stærstu hrukkunni, þessarri á milli rasskinnanna....!

*sigh*

2002-06-05T10:59:00.000Z

Þið hafið ekki séð kýr sletta úr klaufunum fyrr en þið hafið séð Wensleydalskýr sletta úr klaufunum! Þessari kýr hefur verið hleypt úr fjózi og óboj hvað það er mikil gleði í lofti. Meira að segja íslenska veðrið tók sig til og samgladdist henni með því að láta sólina skína í tvo daga samfleytt með þvílíkum ósköpum að annað eins hefur ekki sést. Mér er skapi næst að taka undir með fótboltabullunum og syngja; Oleioleioleioleeeiii! En læt það vera. Í bili. Litur er að færast í kinnar og sól í sinni. Eftir langan vetur er ekkert betra en að hlaða sólarrafhlöðurnar fyrir utan Vegamót með Sol í hendi. Sol úti, Sol inni, Sol í hjarta, Sol í sinni. Femsa, framleiðandi Sol, virðist því vera að uppfylla sitt mission: "To offer the best moments with the best beers." Húrra fyrir Femsa.

Planið fyrir sumarið er: Vinna á rigningardögum. Sóla sig á sólardögum. Síðan er bara að sjá hver árangurinn verður í haust. M.v. síðasta sumar þá verður ritgerðin mín tilbúin en miðað við undanfarna daga þá verður hún líklega óskrifuð... :)

Þó það sé efalítið kostur fyrir kýr að vera grasekkja þá kann þessi kýr ekki að meta það. Karlinn í austurlöndum fjær og kemur ekki heim fyrr en eftir viku. Einhverntíman ætla ég nú með honum þegar hann fer á svona exótíska staði. Samt ekki á monsoon tímabilinu... Apparently er 30°C og 90% raki sem er afar óþægilegt og þá sérstaklega þegar farangurinn manns er týndur í svartholi flugsamgangna í heiminum. En síðustu fregnir herma að hreinar nærbuxur hafi verið komnar til eigenda sinna, þeim til ómældrar gleði.

Sem sagt: "Gleði, gleði, gleði." (svona krakkar, syngja með) "Gleði líf mitt er...!" ;)

2002-06-03T14:47:00.000Z

Ég er vel eðal-kátur baugberi í dag, þrátt fyrir að hnoðmaursdindillinn sé með e-ja hitavellu. Kemur ekki að sök, þar sem minn er hress enda uppspíttaður af stuði helgarinnar. Það er náttúrulega ekki annað hægt en vera glaður og kátur og almennt hamingjusamur! Föstudagurinn fór vel fram, ég sagði já, hátt og skýrt og á réttum stað (enda varla annað hægt þegar fulltrúi yfirvaldsins stendur yfir manni). Það runnu nú raunar á mig tvær grímur þegar yfirvaldið byrjaði á að vitna í lagabálka og reglugerðir, en hún stýrði snöggt frá því (hefur örugglega ekkert voða gaman af því að þylja solleiðis) og snarsmellti sér í svona semi-tilfinningathingyheitthingaskyldurlingathingie sem virkaði miklu mun betur. Maður lyftist allur upp og fór á ljóshraða gegnum hugsanaferlið; Hvaðerégaðgera -> Hversvegnaerégaðgeraþetta ->Ættiégaðveraðgeraþetta ->Jáégeralltíeinusvoaldeilisvoðavissumaðþettaernákvæmlegaþaðsemég-áaðveraaðgeraakkúratnúnaognúáégaðsegja"JÁ!" og ég sagði sem sagt já! Kyssti mína eðalkvinnu og við settum upp hringa og vorum svonalíkafínt glöð.
En þó þetta hafi verið eðalstund var bryllupspartýið síst verra: Það var brill að fá allt þetta eðalpakk saman á einn stað (og að koma því öllu fyrir í íbúðinni var míní-sigur yfir konu tengdapabba!). Allir í stuði, temmilega svangir og flestir þyrstir (þó ekki hafi allir farið jafn flatt á því og baujubaninn) og allt rann saman í eðalyfirþyrmandigleðinnarrúmsjó, þar sem St. Viljar vaggaði um í öldufans eins og gúmmíönd í froðubaði.
Gæti ekki hafa verið betra.
Þetta var best.
Hafið þökk fyrir!

e.s. laugardagurinn var síðan skipt jafnt niður milli rúmsins, gjafapappírsflóði sem hrelldi okkur með umfangi sínu, rúmsins, skelfingu yfir klikkheitum vina og ættingja, rúmsins, skyndilegra augnabliks-uppgötvana sem endurtóku sig í sífelldu og voru á þessa leið: “Nei, ég er með hring! [30mín] Nei, ég er með hring! [30mín] Nei, ég er með hring [ad infinitum]”, flissandi kæruleysishamingjutoppa og knúsum-orminn! (og rúmsins :)
e.e.s. Endurskipulagning eldhússins er hafin (og Tetris-æfingar fyrri ára munu án efa koma vel að gagni)

2002-06-03T11:40:00.000Z

Mikið assgoti var þetta gott brúðkaup á föstudaginn. Þrátt fyrir nokkur taktísk mistök af minni hálfu, þá verður þetta að teljast skemmtilegasta brúðkaup sem ég hef mætt í. Félagsskapurinn, maturinn og bjórinn mar, allt gott og skemmtilegt. Við gerðum eins og flestir aðrir, fórum í Kokku að kaupa brúðargjöf. Þegar við mættum þangað og stundum upp erindinu kom í ljós að Stefán Baldur hefur verið í stöðugu sambandi við konuna í Kokku, svo stöðugu að hún taldi sig vera orðinn fjölskylduvin og var nánast sár yfir að vera ekki boðið í brúðkaupið.

Anyways, að taktísku mistökunum.

Mistök 1: Ef maður mætir í brúðkaup þar sem vel er veitt af mat og drykk, sérstaklega ef lagt hefur verið í eðalbjór, þá á maður ekki, ég endurtek EKKI að taka sér stöðu úti á svölum við hliðina á bjórbirgðunum.

Mistök 2: Ef maður hefur gert mistök 1 og skreiðist heim einhvern tímann undir morgun, þá á maður ekki, ég endurtek EKKI að stilla vekjaraklukkuna á 9.

Mistök 3: Ef maður hefur gert mistök 1-2 og actually vaknað við helvítis vekjaraklukkuna, þá á maður ekki, ég endurtek EKKI að fara framúr og mæta niðrá höfn í siglingakeppni.

Mistök 4: Ef maður hefur gert öll mistökin hér að ofan og áhöfnin manns mætir ekki (áhöfnin heitir Maggi), þá á maður ekki að ræsa hana út í tíma.

Ef maður er nógu vitlaus til að hafa gert allt þetta, þá á maður væntanlega skilið að það sé hleypt af fjórum, ég segi og skrifa; FJÓRUM fallbyssuskotum yfir hausamótunum á manni. Ég skal viðurkenna það að allt sem á eftir kom, fjögurra tíma rek í grenjandi rigningu, var hjóm eitt í samanburði við þessi fjögur fallbyssuskot.

Ég lít hins vegar á þetta sem sök Stefáns og bíð hentugs tækifæris. Hvar fær maður fallbyssu?

2002-05-29T18:10:00.000Z

Ég er nú ekki alveg viss um hvernig ég á að taka þessum árásum P hér að neðan á spúsu mína. Bara aþþí að hún lánaði honum góða bók?

En af því að það er nú þessi vika og P með fyrirbryllupsspennu, þá ætla ég að gefa honum möguleika á að standa fyrir máli sínu síðar.

Skemmtilegt að lesa geðvonskuhjal fulltrúa vors í kjörstjórn, Fosstjórans hugumprúða með 18 þúsundkallinn á dag. Ekki bara er hann í árásarham gagnvart saklausum hjólreiðamönnum, heldur er hann að því er virðist algerlega á móti lýðræðinu. Lýðræðið er það skársta sem við höfum, þrátt fyrir kjósendur. Það er spurning hvort gengið hafi verið nægilega langt í þeim efnum, t.d. mætti alveg velta fyrir sér hvort ekki ætti að auka lýðræðið, m.a. með því að leyfa kjósendum að koma málum á kjörseðla, að fengnum hæfilegum fjölda undirskrifta. Gera eins og víða í Bandaríkjunum, þar sem hægt er að koma að Propositions, sem kjörnir fulltrúar eru bundnir af. Balansera aðeins vald framkvæmdavaldsins, fyrst þingið gerir það ekki.

En kosningaúrslitin ættu ekki að hafa komið neinum á óvart. Sjálfstæðismenn gerðu sig seka um það sem þeir gera alltaf, preaching to the converted og dissa hina. Ég meina það, hverjum dettur í hug að það sé vænlegt til árangurs að fara fram með skilaboðin 'þið kjósendur létuð þetta lið plata ykkur af því þið eruð svo vitlausir. Við vissum alltaf að þetta væri skríll sem stal af okkur borginni okkar. Núna skuluð þið kjósendur, fíflin sem þið eruð, makka rétt og skila okkur borginni.' Bíbí er svo sem ágætur, en Gulli og co eru nóg til að tala fylgi burt frá hverju sem er. Djís. Og halda því fram að læknisræfillinn hafi stolið fylginu. Þetta er eins og í Ástríki og Þrætugjánni. Næst vilja þeir væntanlega telja göfugforfeðraatkvæði með.

En þessar kosningar eru ávísun á annað og það er nýjan forsætisráðherra eftir næstu kosningar. Halldór Ásgríms. Inga Solla tekur svo við af honum þar næst, þegar Davíð verður rokinn burt í fúllyndiskasti.

En þessi Tómas hjólreiðamaður, ekki er það Tómas auglýsingateiknari? Kalli, ha? Ef svo er þá eru viðbrögð hestamanna skiljanleg.

Ég hef hins vegar nærtækari áhyggjur - og það er af einhverju sem kallast Dagur hafsins. Einhverju pakki hefur dottið í hug að hafa hann á laugardaginn, sem þýðir siglingakeppni. Mæting klukkan 10, gúmoren. Sem er svona korter yfir brúðkaup. Sem betur fer var fellt að banna meðferð áfengis í siglingakeppnum. Kannski lifi ég þetta af.

2002-05-22T21:00:00.000Z

Voðalega líður nú á milli blogga hjá mér, þrátt fyrir góðan ásetnng...
það er reyndar allt of mikið að gera þessa dagana, þegar ég ætti að vera með lappirnar uppí loft, að njóta þess að vera aaum, en ónei, því er ekki að heilsa. Eftir að hnoðmaurinn fann loks heilsu sína við mikinn fögnuð (á sunnudaginn), hefur e-rn veginn skort á orku til að drífa í því sem þarf að gera. Og ekki batnaði ástandið þegar ég náði mér í smá aukaverkefni sem ég þarf að ljúka fyrir/um næstu helgi.
Við náðum samt að bregðast við fyrirbænum tengdra um e.k. gjafalista og settum saman þvílíkan skáldskap að annað hefir varla sést áður. Náðum reynar að koma við í Kokku, þar sem ég snappaði létt enda sérdeilis yndisleg verslun og þarafleiðandi stórhættuleg. Þetta varð því skondin reynsla að slangra þar um slefandi og benda á annan hvern hlut, án allrar ábyrgðar. Það er svo annars allt annað mál hvort ég eignist e-ð af þessu, en ég hefi þó einhverja von þar um því það virðist fara e-ð illa í fólk þegar maður segir því að maður vilji nú bara fá fólkið sjálft, og ekkert meira. ?bíts mí?
Talandi um kokka-thingy, þá náði ég að klára bókina sem Álftanessnytjaskógatómaturinn er búinn að vera að halda að mér. Og þvílík snilld og gaman; mæli eindregið með Kitchen Confidential - Adventures in the culinary underbelly e. Anthony Bourdain, við alla þá sem skemmta sér vel í eldhúsinu og vilja helst eyða enn meiri tíma þar.
Er annars heima með rottuhalanum sem sefur svefni hinna síblaðrandi og lætur sig dreyma um frekari frama á göngudeildinni. Þvísemnæstumþví frú míner að láta fara illa/vel með sig af vinkonunum, (og ég var góður og keypti kók handa henni til að drekka í fyrramálið þegar vorprófstaugaveiklaðar Árbæjargelgjur bíða hennar). En nú þarf ég að fara að snúa mér að matseldinni (hihi) og taka úr frystinum 1sta rétt þar sem hann þarf víst að marenerast í púrtara í rétt ríflega viku !!! => við erum að tala Skemmtilegheit hérna! -
tjuss for now!

2002-05-15T21:50:00.000Z

Elddrekinn litli er kominn á níunda stig (sjá neðar), og búinn að láta tappa af sér eldvökva í þágu vísindanna. Aðrir eru ekki eins heppnir; vansvefta úttaugaðir og vesælir og hafa enga nennu í sér til að skrifa meira. Farinn að sOFA.

2002-05-14T10:38:00.000Z

ojæja - sá ekki betur en Denni hafi verið að lýsa mér sem heimavinnandi húsföður. Ekki fjarri lagi þar sem dagmamman er enn veik og ég því heima með strákinn - sem virðist stefna í að vekja upp sitt sub-ego; eilífðarsjúklinginn, og fá kvef og hita og ... Passar svo sem þar sem hann kláraði áttunda pensillínskammt ársins í gærmorgun. Ég skil bara engan veginn hvaðan hann hefir þetta? (Og Breki; svona er þetta!)
Ég hefi því játað mig sigraðan og er hættur að reyna að gera e-ð af viti á meðan þessu stendur. Er með fína bók sem ég ætla að tækla, allt annað verður bara að vera í Guðs friði á meðan.
Lifið heil!

2002-05-13T09:39:00.000Z

úffff - ekki byrjar dagurinn vel. Í fyrsta lagi hringdi dagmamman og tilkynnti sig veika. Þar með var dagur atvinnulausa aumingjans farinn í vaskinn, alla vega það plan sem ég hefði efalítið verið tilbúinn með í morgun. Ekki að samvistir við eðalorminn séu íþyngjandi, það er bara svo margt sem á eftir að gera...
Eins og ég segi, þetta eitt sér er ekki tilefni til að úffast eitt eða neitt, en hins vegar háværir skruðningar, brothljóð og hvellur, fylgt eftir með einlægu panikk-öskri, er eitthvað sem gefur tilefni til margra, síendurtekinna úffa. Hafði sonurinn verið að velta fyrir sér vogarafli, með þeim afleiðingum að kommóðan í holinu, (með þungri leirskál með 'odds-a'-ends') skellti sér í gólfið - hársbreidd frá vísindamanninum unga - sem skiljanlega var ansi skelkaður .... [og var að skríða upp í fangið rett i þessu, svo það verður smá bið á framhaldi....]
...
Semsagt; (dýrið sofnað og ró og friður ríkir á vestuvígstöðunum) það er annars ekki hægt að láta hjá líðast að minnast á ævintýri helgarinnar, þar sem ég náði að sýna af mér fádæma fattleysi, þegar alltí einu birtist hálfur herskari manna út í miðju hrauni, þar sem ég hélt mig vera að einhverju leyti í stjórn á aðstæðum. En nei, kemur ekki í ljós að ég hefi látið platast svo rækilega að það verður stöðugt verið að minna mig á þetta næstu árin. Og það gerði það ekkert skárra að það tók mig heillangan tíma að fatta að það væri kannski ekki alvega 'tilviljun' sem hafði fært mér þessa óvæntu heimsókn. Döhhh!
Og ekki tók betur við þegar ég þurfti að sýna þessum sömu mönnum hvernig ábyrg keyrsla er (á aflminnsta bílnum í Go-kartinu + það að vera ca. 15-20kg þyngri en aðrir sem keyrðu (mín deild sat hjá!)) > og svo var bara gert gys að mér fyrir það! < ekkert friðar þessa menn þegar ég er annars vegar virðist vera.
Það kom reyndar enn betur í ljós þegar íroníu-píslin hann Sigurður opnaði skotbakkann á Álftanesinu með dyggri aðstoð Denna - og ef frá er talin sú stund sem fór í grillmatinn, var ég uppstillt og með álímda krossa í bak og fyrir.
Þrátt fyrir það að allar mínar ávirðingar og pínlegu augnablik hafi verið dregin fram, upplýst og stækkuð, brengluð og skrumskæld, þá lifði ég þetta allt saman af, enda verður að segjast að þeir eru allir öðlingsmenn inn við beinin (hvar svo sem þeir fela þau annars :Þ ) og kann ég þeim góða þökk fyrir brill dag: Það hefði ekki geta verið betra, elskurnar mínar!

2002-05-07T10:28:00.000Z

Er nú orðið ansi langt um liðið síðan kýrnar sáust síðast og er mál að linni. Ekkert er unnið við að velta sér um of upp úr ástæðum og/eða ástæðuleysi og verður því ekkert farið frekar farið í þá sálma. Það sem máli skiptir er að allar eru kýrnar á lífi og við góða heilsu, hver í sínu horninu (no pun) að bauka. Aðeins ein er enn á sama vellinum, en er þar orðið heldur færra um safarík stör og má búast við því að hún fylgi okkur hinum fljótlega á hinar víðlendu ekrur almenns iðjuleysis og aumingjaskapar. (Það virðist henta okkur ágætlega, hvur svo sem ástæðan er). Það er þó kominn tími til að rísa upp til að fylla aðeins betur út í þennan blogg, og má líta á þennan pistil sem n.k. intro að næsta fasa. Lifið heil.

2002-04-18T10:04:00.000Z

I'm scared now!

Á einni viku þá hefur mér tekist að kaupa mér 'fullorðins' GSM síma (að vísu fann ég lit sem tónaði aðeins niður jakkafata aspectið (sowwy Tóti, þetta er bara satt!). Og síðan í gær riður yfir tvö áföll - annars vegar var mér meinað að skrá mig á næsta ár í Háskólanum á þeirri forsendu að ég væri búin og hefði ekkert meira þangað að sækja, hins vegar var mér tjáð að ég yrði að fara að eignast börn því að ég væri hreinlega að renna út á tíma.

Meinið er bara þetta; ég hef engan áhuga á að verða fullorðin. Og mér finnst frekt af fólki að ætlast til þess af mér. Og hananú! Þannig að ég hlýt að geta fundið mér nýtt nám til að fást við næsta vetur. Ég meina, ég er búin að vera skráð í Háskólann í 8 ár og ég fer ekkert bara að hætta því allt í einu! Ergo, ég er áfram stúdent, ég er ekki lengur í hættu á að fullorðnast. Og, ergo, börn eiga ekki að eignast börn.

Samfellt hljóðmerki í hálfa mínútu; hætta liðin hjá....

2002-04-06T10:44:00.000Z

ókí, nú er komið nóg af þessu bloggleysi.

Það er lygilegt hvað menn geta verið aumingjalegir og neitað að deila hugsunum sínum með okkur hinum. Núna þegar ég skrifa þetta lýstur þó niður spurningunni hvort það sé í raun og veru slæmt? Viljum við t.d. endilega fá að vita meira um snýtupappír Mr. Wonder? Eða er heimurinn betur settur eftir að við komumst að því að Raven sé orðinn SEO (Sheep Executive Officer) austur í állausum útnára?

Rannsókna- og þróunardeildin mín er sokkin aftur inn í tölvuna sína. Ég hef fengið að hlusta á þróunarstarfið sem aðallega virðist fólgið í því að fimmtánþúsunddollararaddserver framleiði 'Hi, my name is Eddie, your shipboard computer, and I'm here to make your day nicer and nicer and nicer' aftur og aftur og aftur. Meiriháttar breikþrú átti sér stað í fyrradag þegar þróunardeildin sagði 'Hello' við tölvuna og tölvan svaraði 'Hi there, where have you been'. Rétt si sona. Akkúrat það sem heiminn vantaði, n'est ce pas? Bissnessplanið er langt á veg komið. Talið er að markaðurinn fyrir svona lausnir sé af stærðargráðunni 4-16 milljarðar dollara í Evrópu, þar sem allar tölvur virðast vilja vita where you have been.

Svo þegar maður verður orðinn ríkur á þessu er væntanlega rétt að fara að skipta sér af Phoenix.

Annars heyrði ég kjaftasögur í gær, sem mér fundust bæði írónískar og skondnar. Apparently þá er fyrirtæki sem okkur er að góðu kunnugt, sem ekki skal nafngreint hér, en við skulum kalla Nosscire, svona til þess að kalla það eitthvað... anyways, þá er þetta fyrirtæki rétt nýbúið að ganga í gegnum re-org. Þetta re-org, sem var svo sum kominn tími á, enda fullir þrír mánuðir frá síðasta re-orgi, hefur komið þeim í þá stöðu að þeir eru aðeins einu re-orgi frá því að vera á upphafsreit þeim er við deildum með þeim fyrir þremur árum. Þetta re-org hefur ekki alveg flýtt fyrir þeim og heyrst hefur að tollgeit eitt hafi verið frestað tvisvar, tollgeit 2 verið frestað þrisvar, tollgeit 4 verið frestað 6 sinnum osfrv. Heyrst hefur líka að litli líbanski lúðinn sé að fara á límingunum yfir dugleysi Álfavatnsliðsins í forritun og vöruþróun og að jafnvel gæti ákveðins söknuðar í garð fyrrum félaga á The Yellow Brick Road. Permit me a cruel chuckle, will ya?

KarlOZ heldur sig við hefðbundið tuð í pólitíska horninu sínu. Það er alveg ljóst að þróunin hjá kanverjum er í átt að einangrunarstefnu og skiptir þá litlu hvorjir eru við völd - fastistarnir eða aðeinsmeirifasistarnir sem nú stjórna. Ennfremur er það ljóst að réttarstaða okkar sem annarardeildarliðs í Evrópu á hinu Evrópska efnahagssvæði kemur til með að fara smáversnandi. Hugsið ykkur að vera eingöngu spyrtir saman með Norðmönnum (eins og Haarde, Siv, Olrich og Hr. GrenivíkurVöllu, but I digress), er það vænlegt til langtímaárangurs? Okkar vandamál er að við náum ekki að gera neitt úr þessari stöðu. Hvað gerist t.d. þegar bæði ESB og Kanarnir setja verndartolla á álið? Sem gerist væntanlega eftir að stálvitleysan hefur gengið frá stálmarkaðinum og álnotkun stóraukist í bílaiðnaði? Annars er mér svo sem slétt sama, tel það bara ágætt að vera neytandi á sæmilega skynsamlegum lagaramma frá Brussel og Strassbourg. Ekki má gleyma því að það hefur andskotann ekkert gerst hér í frjálsræðishátt nema það sem frá EES hefur komið. Enda eru framsóknarsjallarnir of önnum kafnir við að halda upp á Status Quo. (My God, they're on TOUR???). Hins vegar kemur ESB væntanlega til með að liðast í sundur áður en við druslumst til að gera upp hug okkar, svona í ljósi þess að þessi klúbbur er að hleypa inn alls kyns riff raffi og þarf þá að taka á erfiðu málunum eins og CAP (Common Agricultural Policy), sem á eftir að gera allt vitlaust.

Hins vegar er ég meira að velta fyrir mér hvernig hægt sé að láta R-listann vinna borgina en fá BíBí Willis sem borgarstjóra. Fín visjón hjá kallinum og hann yrði hinn ágætasti borgarstjóri. Þessi skoðun mín litast lítið af því að hann skuli ætla að byggja brú heim til mín, koma mér í 3 mínútna fjarlægð frá miðbænum og væntanlega hækka húsið mitt í verði um slétt 30%. En þetta er fyrsta skynsamlega skipulagsmálið sem ég hef heyrt um frá öðrum hvorum fylkingunum. Rock on Mr. Willis.

2002-03-26T14:59:00.000Z

Fagurgrænar grundir dalsins eru núna yrjóttar og hnýfðar og snýtupappírskuðlingsræmur ligga á víð og dreif í slóð kusanna sem slangra um, í hálfgerðu reiðu- og sinnuleysi kvefósómans sem sótt hefir dalinn heim. Eru mínar orðnar langeygðari en vant er, granastæðin aumari og ekki örgrannt um að farið sé að gæta pirrings og óhemjuskapur liggur undir niðri. Franskur morgunn með sykurbráð er þó enn líklegur til að fleyta íbúunum yfir þennan síðasta, versta hjalla á fótskriðu á fjórum, beint í iðandi beð páskatuggunar sem félagar og vinir úr næsta dal raunar færðu okkur forsmekkinn af fyrir stundu. Tuggan sú verður þó geymd til betri þegar laukar hvolfta okkar verða betur færir um að njóta og neyta að fullnustu í svífandi kókóa-skýi algleymsku og sykursjokks, þáttar tvö. Er þá næsta víst að kusurnar allar hvelpi með gjökti og fagnandi bauli því sumarsins lífsvonarótta sem eggin munu sannarlega heim færa og haldi til haga fyrir baráttu og barátu komandi daga.

2002-03-25T18:00:00.000Z

Ekki hefur ásjóna dalsins batnað. Enn liggja tveir í val flensunnar og dagdrykkjunnar og ekki ljóst hvort þeir komi til með að prýða þennan ágæta dal okkar framar. Dagar annarrar kúar hafa einnig verið taldir og niðurtalning hafin. Wensleydalurinn verður ei samur í veruleikanum, en við munum ekki láta það á okkur fá og höldum okkar striki í vefleikanum. Ekki slæmur kostur það. Veruleikaflótti...

2002-03-21T13:12:00.000Z

Dalurinn er vart svipur hjá sjón eftir að sýrumeistarinn lagðist í eymd, volæði og almennan aumingjaskap.
Aðrar kýr dalsins óska honum góðs bata og vonast til að hann komist í eðlilegt horf sem fyrst - relatively speaking, of course.
Ég tel samt ástæðu til að taka undir með Menace, þetta með kvikmyndasmekk Sigurgeirs er ekki eðlilegt. Ég hef aflað mér upplýsinga um það.
Fyrir þá sem áhuga hafa á Wolfenstein, þá fæddist honum dóttir fyrir nokkrum mínútum síðan. 53 merkur og 15 sentimetrar (eða var það öfugt?). Eins og barninu keppir kyn til kom það með látum fljótlega eftir deadline (31 klst).
Að lokum, í fjarveru sýrumeistarans og súrheysturnsins vil ég segja þetta: 'Fluh'.

2002-03-21T11:26:00.000Z

Mér leiðist! Hefði svo sem getað sagt mér það sjálfur að það fari illa í mann að hanga heimavið og gera ekki neitt. Sérstaklega þar sem hausverkur kemur í veg fyrir að maður geti lesið, og er þá fokið í flest skjól um afþreyingu til að þreyja þorra kvefs og hálsbólgu. Tókst raunar að koma hálsbólgunni snarlega frá með snöfurlegum hætti - tæplega ráðlögðum öðrum en alvörugefnum níkótínfíkum - en það er þekkt staðreynd að eina almennilega leiðin til að losna við hálsbólgu sé sú að reykja hana úr sér, (n.k. tilbrigði við særingar fyrri aldar).
Altso - sveitandi leiða, sit ég og geri ekki neitt. Engar endur eða gæsir til að horfa á hér nema í frystikistunni, og ekki fer ég að eyða tíma í að horfa á þær þar, enda fremur lítil aksjón hjá þeim, blessuðum. Á reyndar von á húsrottunni heim á eftir og þá verður þetta skárra, a.m.k. er ég nægilega hress til að blaðra við kálfinn, sem er rétt nýbúinn að fatta 'Stóóór' - (sem vekur mikla gleði ca. 16 sinnum á klukkutíma). Veit reyndar ekki alveg hversu mikið hann er að 'fatta' þetta, þar sem hann gerir þetta stundum einn, úti í horni, greinilega hughrifinn af þessum eiginleika handanna að fara samtímis upp : )
Að þessu sögðu, er hausverkurinn kominn aftur og sængin kallar æ hærra...

2002-03-19T09:27:00.000Z

Samskipti kúa og nauta hefur verið okkur hér í Dalnum hugleikið og hefur staðið yfir söfnun hollráða vinum okkar og vandamönnum til varúðar. Til að þessi vandaði listi hverfi ekki á braut gleymskunnar mun hann dokjúmenteraður hér á eftir.

Topp 9 listi um hluti sem þú segir ekki/gerir ekki við maka þinn:
1)"Ertu viss um að þú eigir að vera að drekka í þessu ástandi...?"
Sagt stundarhátt í starfsmannapartýi - hamingjuóskunum rigndi yfir hina ekkiverðandi foreldra.
2)"X mín, ertu eitthvað fúl?"
Sagt á leiðinni í vinnuna að morgni afmælis X.
3)"Mig vantaði bara föt...!"
Sagt eftir velheppnaðan verslunarleiðangur þar sem frúin var ekki tekin með.
4)"Þú ert a.m.k. eldri en G."
Bara 4 ár í skekkju, verst hún var í plús.
5)"En ég hélt að þér þætti gott að æfa, t.d. fyrir framan sjónvarpið...!"
Sagt yfir jólagjöfinni sem gladdi hina nýorðnu móður lítið - forláta æfingahjól!
6)"Og svo stuttu eftir að við komum heim, þá fer ég til Montreal."
Ef RESP = OR > "Verður þú þá ekki heima á 30 ára afmælinu mínu?"
ÞÁ EKKI segja "Ööööö"
7)"Af hverju ætti ég að vera með hausinn á mér þarna...?"
Í umræðu um kollvik og háreyðingarkrem.
8)"Ég verð að viðurkenna að ég er ekki búinn að setja mig inn í þetta..."
Svar við spurningunni "Hvað er konan þín að gera?"
9)"Talandi um skyndimök. Hefurðu heyrt í uppþvottavélarviðgerðarmanninum?"
Uppþvottavélin verður ekki afhent meðan makinn er ekki heima!

Nú vantar bara 10. atriðið og er auglýst eftir því hér með. Enginn listi meðal lista nema hann sé topp 10.

2002-03-19T09:07:00.000Z

Spriklandi klaufslettur og gegnheilar halafléttur er það sem hvílir á mönnum í dag. Sjaldan eða aldrei hefir sólarljósið, þó vafið sé inn í kuldablástur, vakið síðbuxnaþrá Dalbúa með jafn afgerandi hætti: Ein kýrin dreymir um sandþvegnar strendur og pálmalauf að bíta í, aðra um votlendisforöð Skotlands, til að velkjast þar í smjörgresis afrennsli þorpsbúa - til framtíðar - til að lengja líf sitt með reglulegri vökvun og ozmósu, og enn önnur er komin með eina klaufina um borð um þotu - eftir að hafa hrellt ferðaskriftstofufólk með bauli og jamti í lok síðustu viku. Illt er að geta ekki gengið í þennan flokk og sagt til um sumarið og gengið fram fyrir Skjöldu í að lýsa væntanlegum dásemdum sumarlífsins.
Þó hvarfla um huppinn óljósar draumsýnir um baldursbrár, syngjandi saman í hópum með grængresisherdeildur sín á milli í blámandi sumargolu, þar sem skýslikjur rétt lita himininn...

2002-03-18T21:58:00.000Z

Af hverju eru allir verstu skúrkarnir með mislanga handleggi?

2002-03-18T14:47:00.000Z

Nú eru Wensleykýr ókátar mjög. Tvær kýrnar eiga menn í útlöndum og því er ekki kátt í þeim höllum. Báðar dreymir kýrnar um útlandaferð með sínum heittelskuðu nautum og hafa önnur þeirra hefur gengið svo langt í draumum sínum um pálmastrendur að nú stendur pálmi á skrifborðinu hennar. Nú vantar bara ströndina. Jah, og kannski sjóinn. Og hitann. Sólina. Kærastann. En hva, 1 af 6 er ekki svo slæmt er það? Vissulega ekki jafn gott og 2 af 3 en maður getur nú ekki ætlast til OF mikils.

2002-03-15T13:12:00.000Z

Say Cheese.

2002-03-15T10:13:00.000Z

Nú loksins getur maður um frjálst höfuð strokið - og ekki seinna vænna þegar hver fjölmiðillinn á fætur öðrum keppist um að flytja fréttir af hinum og þessum fuglum að koma inn til lendingar. Í þessu kapphlaupi gekk mogginn svo langt að tala fjálglega, og með mikilli gleði um að einhver mávur væri mættur! Hvað er eiginlega að? Skammdegið er varla svo slæmt að fagna beri komu úthafsrottanna. Það er fínt að vorið skuli kannski kannski vera að koma, en í þessu mættu menn fara sér aðeins hægar.

Það er reyndar nokkuð sem ýmsir aðrir mættu tileinka sér, að fara sér hægar, sbr. ummælin gærdagsins um þá "félaga stóra-T og Wonder, sem skila sér gjarnan sneyptir til byggða". Menn ættu að líta sér nær! Sér í lagi menn sem ekki geta, skammlaust, flutt björg í bú þó þeim sé hún færð upp í hendurnar (hverjir eru langt komnir með að fyrirgera sér möguleikanum á að njóta afraksturs veiðiferða T&W). Þeir hinir sömu mættu og líka íhuga að ekki eru allar ferðir til fjár, og því er enn meira sem liggur að baki, þegar menn, í góðri trú og bróðurkærleika, vilja deila afrakstrinum af þessum ferðum sínum. Taki það til sín sem eiga.

En annars er tími til kominn að gleðjast, segja skilið við fýlu og ólund vikunnar, biðja alla hlutaðeigendur, frændur þeirra, frænkur, og með-jórtrara afsökunar og valhoppa inn í framtíðina, með bros á vör. Kýr vikunnar hefir slegið mu-ið fyrir helgina með því að segja skilið við óraðsspjallið og mæta til leiks, með lakkaðar klaufir og glansandi horn, enn glaseygð en samt bjarteygð meðan aðrar hafa fundið sig í leikjum og skemmtun svo það er enn von um að Dalurinn megi saman njóta gleðiríkrar sprettu og hækkandi sólar.

2002-03-14T17:07:00.000Z

Hvaða stig nerðskunnar er það þegar indecent proposal dagsins frá maka manns snýst um stærðfræðifyrirlestur? Og hvaða stig er það þegar það hljómar spennandi? Í kvöld verður haldinn fyrirlestur um leikjafræði til heiðurs John Forbes Nash og í tilefni sýningar myndarinnar Beautiful Mind sem er lauslega byggð á ævi hans og baráttu við ólæknandi geðsjúkdóm. Þessi kenning er mun merkilegri en kvikmyndin og hefur valdið straumhvörfum í ólíkum fræðigreinum eins og hagfræði, stærðfræði, sálfræði, líffræði og stjórnmálafræði. Það er afar sjaldgæft að hægt sé að fella mannlega hegðun inn í stærðfræðilegar formúlur og þó að yfirleitt sé ekki hægt að taka aðstæður eins og fræðin fást við (frægasta dæmið er fangadílemman) og setja í formúlu og reikna út þá er hún frábær lýsing á mannlegri hegðun og mannlegri hugsun.

Ég mæli með að þið smellið á nafn Nash, þar finnið þið sjálfsæviágrip Nash skrifað þegar hann tók við Nóbelnum 1994. Frásögnin er mjög fyndin og leiftrandi af gáfum. Það sem heillaði mig mest (líklega vegna þess að ég skildi ekki helminginn af viðfangsefnum hans innan stærðfræðinnar sem hann telur upp) er eftirfarandi tilvitnun: "...with the rejection of politically-oriented thinking as essentially a hopeless waste of intellectual effort.". Leið Nash til að fást við ofskynjanir sínar er að reyna að ná tökum á þeim röklega. Hann hefur hafnað þeim og náð valdi á hugsun sinni. Ein tæknin er að gæta þess að hugsa ekki um pólítík til að eiga ekki á hættu að heilinn á honum stökkvi ekki af stað í samsæriskenningar og yfirhylmingar. Ástæðan fyrir því að þetta sló mig er hinsvegar sú að ég hefði ekki getað orðað þetta betur sjálf. Þetta er í hnotskurn það sem mér finnst um pólítík. Eyðsla á hugarorku. Líkingin sem ég hef hingað til notað er að í pólítík rífist menn um hafragraut móður sinnar. Þegar ég kveiki á umræðum frá Alþingi er það eina sem ég heyri:

[bingggg]
Forseti Alþingis: "Nú tekur til máls 23. þingmaður Austurlands."
23. þingmaður Austurlands: “Herra Forseti. Mamma mín býr sko til betri hafragraut en mamma þín og ég skora á hafragrautsráðherra til að viðurkenna það”.
Hafragrautsráðherra: "Herra Forseti. Hæstvirtur 23. þingmaður Austurlands fer með fleipur og vil ég fullvissa hann um að hvergi fæst betri hafragrautur en sá sem móðir mín býr til. Þó efast ég ekki um að móðir hans sé heiðvirð og harðdugleg kona."
23. þingmaður Austurlands: "Herra Forseti. Ég get ekki setið undir því þegar hæstvirtur hafragrautsráðherran svívirðir minningu móður minnar sálugrar. Hennar hafragrautshæfileikar verða ekki að engu gerðir með rostafengnum yfirlýsingum ráðherrans."
14. þingmaður Austurlands: "Herra Forseti. Ég legg til að málinu verði vísað í hafragrautsnefnd sem sérstaklega verði stofnuð til að rannsaka hafragrauta umræddra mæðra."
Hafragrautsráðherra: "Herra Forseti. Varla getur 14. þingmanni Austurlands verið alvara með því að eyða peningum heiðviðra borgara eins og móður 23. þingmanns Austurlands í að fjalla um málið. Hér er ekkert mál að útkljá; hafragrautur móður minna hefur yfirburði yfir aðra hafragrauta."
23. þingmaður Austurlands: "Herra Forseti! Hann er enn að svívirða látna móður mína! Ég krefst opinberrar afsökunar!"
[bingggg]

Ég skil ekki alveg hvernig fullorðið fólk nennir að standa í svona umræðum.

Bollaleggingar dagsins áttu reyndar að fjalla um eitthvað allt annað, en það verður bollalagt eftir þennan dag. Au revoir!

2002-03-14T15:54:00.000Z

darn... kerfið át blogginn minn.

Það er dagur þrjú í leti, ómennsku, hori og dagdrykkju. Er búinn að fá útrás fyrir tæknihyggju mína við að tengja nýjustu þráðlausu græju heimilisins við viðeigandi thingamagic. Í þetta skiptið var það auka Dect-sími við símstöðina, svona til að bæta upp hinn Dect símann með dauða skjánum. Erfitt að skrína símtöl af dauðum skjá, þið skiljið. Um helgina bættum við við þráðlausum sendi til að koma (ó)hljóðum frá servernum okkar upp í græjurnar. Það svínvirkaði svo núna getum við látið Jukeboxið um að spila tónlist dægurlangt. En okkur fannst það samt ekki vera alveg nóg, svo við eyddum gærdeginum í að fylla alla gagnakvóta okkar á adsl - erum búin að henda upp appserver, voice server og dev-umhverfi, til að geta farið að tala við græjurnar. Við þurfum hjálp.

Kettirnir eru aftur að flippa. Núna eru gæsir á túninu, endurnar búnar að ljúka sér af og eru væntanlega svamlandi í postcoital bliss einhvers staðar. Kettirnir búnir að gleyma músinni sem þeir skildu eftir handa okkur á stofugólfinu og roknir út. Skiluðu sér reyndar sneypulegir aftur, gæsalausir - hafa væntanlega sömu veiðigen og þeir félagar stóra-T og Wonder, sem skila sér gjarnan sneyptir til byggða.

Svo get ég ekki orða bundist yfir pistli Mr. Menace, sem fátt getur stöðvað, nema kannski latínskukunnáttan. Ég læt lesendum pistilsins það eftir að hafa tilvitnanir hans að háði og spotti, en inntakið er samt ágætt. Þeir félagar, Bj@rnason og Neumann eru með mjög einfalt plott í gangi. Mig minnir að því hafi verið lýst sem svo: 'Svon'er planið, það er ekki beysið. Ég fer inn og þú umkringir pleisið'.

2002-03-13T16:53:00.000Z

Dagdrykkja er góð. Er raunar lífsstíll sem hæfir mér ágætlega. Horið í nösunum orðið mátulega útþynnt af Laphroig, heimurinn kominn í fasa við toddíið (tveir hlutar kaffi, tveir brúnir sykurmolar, vel þeytt mjólk og einn Laphroig), endur að para sig á túninu fyrir framan stofugluggann hjá mér og kettirnir að flippa á öllu þessu fuglakynlífi.
Tók reyndar eftir því þegar ég var að tengja Laphroig við viðeigandi vefslóð að vefurinn þeirra býður upp á sænska og þýska útgáfu. Kommon, sænska? Hvað getur mögulega unnist með því? Djöfull er ég feginn að hafa ekki verið á þeim marketing fundi:

'Ach, We must increase our appeal with the foreigners, man'
'Didnae we set up a web?'
'Aye, but didnae we set it up in Scottish?'
'What about the wee Swedes? Arnae they a hard drinking bunch?'

2002-03-13T16:44:00.000Z

Íbúar Wensleydale munu á þessum síðum láta gáfnaljós sitt skína, segja óheft álit sitt á mönnum og málefnum og mun þar engum hlíft.

2002-03-12T21:10:00.000Z

And so we try again to tell the awesome story behind the Wensleydale

2002-03-12T20:33:00.000Z

And such was the beginning of the Wensleydale, that none that lived that moment, could but treasure it and pass on to their children to preserve the true story for future generations.